පුතින් ගේ මැතිවරණ සුත්‍රය

තමන්ගේ විරුද්ධ පාක්ෂය බිත්තියට හේත්තු කොට ඔවුන් මැතිවරණය වර්ජනය කරන බව පවසන විට’අනේ හොඳයි කියා ‘ මැතිවරණය පවත්වා තමන්ගේ ජයග්‍රහණය තහවුරු කරගැනීම විලාසිතාවක් බවට පත්වෙමින් පවතී .

බංගලාදේශයේ සහ පකිස්ථානයේ විපක්ෂය මැතිවරණය වර්ජනය කල අතර රුසියාවේ ජනාධිපතිවරණය පැවැත්වෙන්නේ විපක්ෂය පිළිබඳව කිසිදු තැකීමකින් තොරවය

රුසියාව මාර්තු 15 සිට 17 දක්වා තෙදින තුළ ජනාධිපතිවරණය පැවැත්වෙන අතර වත්මන් ජනාධිපති ව්ලැදිමීර් පූටින් ජයග්‍රහණය කර පස්වන වරටත් ජනාධිපතිවරයා ලෙස නිසැකයෙන් ම තේරී පත්වනු ඇතැයි පෙනෙන්නට තිබේ

ව්ලැදිමීර් පූටින් 2000 වසරේ සිට මේ දක්වා රුසියාව ලෙස පාලනය කරමින් සිටියි.

රුසියානු ආණ්ඩුක්‍රම ව්‍යවස්ථාව මගින් ජනාධිපතිවරයෙකුට අඛණ්ඩව සේවය කිරීමට අවසර ලබා දී තිබුණේ වාර දෙකක් සඳහා පමණි. මේ නිසා අගමැති තනතුරට මාරු වූ නමුත් බලය තමන් අතම තබා ගත්තේය.

පුතින් එදා මෙදා රුසියාවේ අයෝමය බලය විය.

2020 වසරේදී ආණ්ඩුක්‍රම ව්‍යවස්ථාව වෙනස් කරගත් පුතින් මේ වන විට 2036 දක්වා බලයේ සිටිනු ඇතැයි බොහෝ දෙනෙක් විශ්වාශ කරති .

අපේක්ෂා කළහ. එම කරුණට අනුව ඔහු වසර 30කට වැඩි කාලයක් බලයේ සිටි කොමියුනිස්ට් නායක ජෝසෆ් ස්ටාලින් සහ 18 වන සියවසේ මහා කැතරින් අධිරාජිණිය පරදවමින් රුසියාවේ දීර්ඝතම කාලයක් සිටි පාලකයා බවට පත් වීමට ඉඩ තිබිණි.

රුසියාවේ මැතිවරණ තරගකාරී වන්නේ ඉතා කලාතුරකිනි. බලයේ සිටින අයගේ නීත්‍යනුකූල බව තහවුරු කිරීමට පවත්වන යාතු කර්මයක් බවට මැතිවරණ පත් වී ඇත .

ව්ලැදිමීර් පූටින්ට සෑහෙන ජයග්‍රහණයක් ලැබීමට නියමිතය.

රුසියානු ස්වාධීන ප්‍රවෘත්ති ආයතනයක් වන මෙඩූසා (Meduza) වාර්තා කළේ, ව්ලැදිමීර් පූටින් ඡන්ද 80%ක් පමණ ලබා ගනිමින් ක්‍රෙම්ලිනය අවම වශයෙන් 70%ක ඡන්ද ප්‍රකාශ කිරීමේ ප්‍රතිශතයක් ළඟා කර ගැනීමට බලාපොරොත්තු වන බව ය. මෙය 2018 වසරේදී දුටු ඔහුගේ 76.7% කොටස ඉක්මවා යනු ඇත.

රාජ්‍ය අංශයේ සේවකයන් බලමුලු ගැන්වීම මැතිවරණ ජයග්‍රහණයට හේතුවන බවයි බව බීබීසීය විසින් ම සිදු කරන ලද පර්යේෂණයකින් හෙළි වී ඇත්තේ .

මිලියන 112.3ක පමණ ජනතාවකට මෙවර මැතිවරණයේදී ඡන්දය ප්‍රකාශ කිරීමේ අයිතිය ඇත.

අපේක්ෂකයින් තිදෙනෙක්

ව්ලැදිමීර් පූටින්ට අමතරව තවත් ලියාපදිංචි අපේක්ෂකයින් තිදෙනෙක් සිටිති: ජාතිකවාදී ගතානුගතික අදහස් දරන දේශපාලනඥයෙකු වන ලියොනිඩ් ස්ලට්ස්කි, කොමියුනිස්ට් පක්ෂ අපේක්ෂක නිකොලායි කරිටොනොව් සහ ‘ස්ටේට් ඩූමා’ ලෙස හැඳින් වෙන රුසියානු පාර්ලිමේන්තුවේ පහළ මන්ත්‍රී මණ්ඩලයේ කුඩා නියෝජනයක් ඇති මෑතකදී ආරම්භ කරන ලද “නිව් පීපල්” පක්ෂයේ අපේක්ෂක, ව්‍යාපාරිකයෙකු වන ව්ලැදිස්ලාව් දවන්කොව් එම අපේක්ෂකයින් තිදෙනා වෙති.

ඔවුන් තිදෙනා ම යුක්රේනයේ රුසියාව ගෙන යන යුද්ධයට සහ ජනාධිපති පූටින්ට සහයෝගය පළ කර ඇති අතර ඔවුන්ගෙන් කිසිවෙකු සැබෑ තර්ජනයක් ලෙස නොපෙනෙයි.

ඔහුගේ සැබෑ අභියෝගකරුවන් සිරගත කර, මරා දමා හෝ රටින් පැන ගොස් ඇත. පුටින්ගේ දරුණු ම ප්‍රතිවාදියා වූ ඇලෙක්සෙයි නවාල්නි පෙබරවාරි මාසයේදී අධිආරක්‍ෂිත බන්ධනාගාරයක් තුළදී මිය ගියේ ය.