By ධනුෂ්ක ගුණතිලක චෝදනා වලින් නිදහස් වූ පසු ඔහුට ගෙවිය යුතු ගාස්තු පිලිබඳ වියදම් විභාගයකදී විනිසුරු හගේට් පැමිණිල්ල විසින් නඩුව මෙහෙය වූ ආකාරය දැඩි ලෙස සිය කනස්සල්ල පළ කළාය.
නඩු පැවරීමට පෙර සාක්ෂි නිසි ලෙස තක්සේරු කිරීමට පැමිණිල්ල අපොහොසත් වූ අතර එය අසාධාරණ ලෙස නඩු පැවරීමට හේතු වූ බව ඇය ප්‍රකාශ කළාය.
නඩුවේ දෝෂ සහගත බව:
චෝදනා එල්ල කළ කාන්තාව මාස හයකට පමණ පසු තම සාක්ෂි වෙනස් කල අතර නඩුවේ දෝෂ සහගත බව හෙළිදරව් විය. මෙම අඩුපාඩු සැලකිල්ලට ගනිමින්, විනිසුරු හගෙට් නිගමනය කළේ පැමිණිල්ල විසින් නඩුව ඉදිරියට ගෙන යා යුතු නැති බවයි. නඩු පැවරීම ඔහුගේ ජීවිතයට ඇති කළ සැලකිය යුතු බලපෑම පිළිගනිමින් ඔහුට පිරිවැය ප්‍රදානය කළ හැකි වන පරිදි ධනුෂ්කට ගුණතිලකට සහතිකයක් නිකුත් කරන ලෙස ඇය නියෝග කළාය.
මේ ආකාරයට සාක්ෂි පිළිබඳව නිසි තක්සේරුවකින් තොරව නඩු පරීමේ හේතුවෙන් චුදිතයන්ට අනවශ්‍ය නීතිමය බරක් පැටවිය හැකි අතර යුක්තිය පසිඳලීමේ ක්‍රියාවලියේ විශ්වසනීයත්වය පළුදු විය හැකි බව ඕස්ට්‍රේලියානු නීති ක්ෂේත්‍රය තුල කතා බහක් අත්වී තිබේ .
මේ සිදුවීමෙන් ධනුෂ්ක ගුණතිලකට දැඩි අගතියක් සිදුවූ හෙයින් ඔහුට සෑහෙන තරම් වන්දියක් ලැබිය හැකි බවයි ඕස්ට්‍රේලියානු නීතිවේදීන් පවසන්නේ.
