By “මම දැන් මගේ පුතාට බෑග් එකක් ගන්න කඩේකට ගියා. මට සල්ලි අවශ්‍ය නැහැ කියලා උපකල්පනය කරලා එයා මට ඉතුරු දුන්නේ නැහැ”
යැයි කේරලයේ වෙසෙන අනුප් බී පවසයි.
දකුණු ඉන්දියාවේ කේරළ ප්‍රාන්තයේ අනූප් බී රජයේ ජැක්පොට් ලොතරැයියකින් ඉන්දීය රුපියල් මිලියන දෙසීය පනහක් දිනාගෙන ඇත.
බොහෝ මිතුරන් සහ නෑදෑයින් ඔහු සමඟ අමනාප වී ඇත, ඔහුට හමුවන සෑම කෙනෙකුම පාහේ මුදල් ඉල්ලා සිටී. මේ ජයග්‍රහනය නොලැබුනා නම් යයි තමන්ට හිතෙන බව ඔහු කියා සිටී.
ජැක්පොට් ලොතරැයිය දින මාස දෙකක් ගෙවුණු තැන, 32 හැවිරිදි ඔහු පවසන්නේ තමාට සිතාගත නොහැකි ලෙස තම ජීවිතය වෙනස් වී ඇති බවයි.
“කලක් සමීපව සිටි බොහෝ දෙනෙක් දැන් අප සමඟ කතා කිරීම නවතා දමා ඇත,” ඔහු පවසයි.
ලොතරැයියක් සඳහා ප්‍රාන්තයේ මෙතෙක් පිරිනමන ලද ඉහළම මුදල වන රුපියල් මිලියන 250ක් (ඩොලර් මිලියන 3.01ක්, පවුම් මිලියන 2.7ක්) දිනා ගැනීමෙන් පසු සැප්තැම්බර් මාසයේදී අනූප් ජාතික සිරස්තලයක බවට පත් විය. ලොතරැයිය බොහෝ ඉන්දියානු ප්‍රාන්තවල නීති විරෝධී වන නමුත් කේරළය ඇතුළු කිහිපයක් දැඩි රෙගුලාසි සහිතව එයට අවසර දෙයි.
ජයග්‍රහණයෙන් දින කිහිපයකට පසු අනූප් වීඩියෝවක් පළකරමින් කියා සිටියේ තමාට සහ ඔහුගේ පවුලේ අයට මුදල් සඳහා හිරිහැර කිරීම නවත්වන ලෙසයි ඒ අවස්ථාවේදී ඔහු පැවසුවේ ජැක්පොට් එක දිනුවේ නැත්නම් හොඳයි යනුවෙනි.
“ඒක හරියට ෆිල්ම් එකක සීන් එකක් වගේ. එකපාරටම දන්න කියන හැමෝම ඔයාගෙ ගෙදර.”යයි අනුප් පවසයි.
“ඔබ කෙරෙහි මිනිසුන්ගේ ආකල්පය එක රැයකින් වෙනස් වේ,” ඔහු පවසයි. ඔහුගේ නිවස සහ අවට ප්‍රදේශය උදව් අවශ්‍ය සිය ගණනක් මිනිසුන්ගෙන් පිරී ගියේය.
“අපි නැගිටින්නේ එළියේ සෙනගක් හොයාගන්නයි. එය උදේ 5 සිට ආරම්භ වන අතර ඔවුන් රෑ වන තුරු එහි සිටිති ,” යයි අනුප් කියයි.
රට පුරා මුදල් සඳහා ඉල්ලීම් ගලා ආවේය. සමහරු තම උකස් හෝ ණය ගෙවීමට උදව් ඉල්ලා සිටි අතර තවත් සමහරු තම දියණියන්ගේ මංගල වියදම් සඳහා ආධාර ඉල්ලා සිටියහ.
“බැංකුවලින් සහ රක්ෂණ නියෝජිතයන්ගෙන් බොහෝ ඇමතුම් ආවා,” ඔහු පවසයි. “චිත්‍රපටයකට අරමුදල් සැපයීමට උදව් ඉල්ලා පිරිසක් චෙන්නායි සිට මා වෙත පැමිණියා.”
“එක් මිනිසෙක් මුළු දවසම අපේ නිවසේ වාඩි වී මට රෝයල් එන්ෆීල්ඩ් මෝටර් බයිසිකලයක් ලබා දෙන ලෙස ඉල්ලා සිටියේය,” අනූප් පවසයි.
“හැමෝම හිතන්නේ මට මේ සල්ලි ලැබුනේ කිසිම දෙයක් නොකර නොමිලේ කියලයි. ඉතින් එයාල අහනවා ඇයි මට ටිකක් දෙන්න බැරි කියලා,” ඔහු පවසයි.
