By විධායක ජනාධිපති වරයා වෙනස් වුනත් රටේ වැඩි වෙනසක් සිදුව නැති බව ශ්‍රී ලංකාවේ ලංකා සභාව පවසයි.
විධායක ජනාධිපති ක්රමය වෙනස් කරන බව පැවසුවද විධායකය සතු බලතල ඒ ලෙසින්ම පවතී, ඉහල වරප්‍රසාද ලබන මැති ඇමතිවරුන්ගේ ගණන
ඉහළය, ත්‍රස්තවාදය වැළක්වීමේ පනත නිදහසේ අදහස් පල කිරීමට බාධා පමුණුවයි. ආරක්ෂක කටයුතු වෙනුවෙන් වෙන්කරන මුදල විශාල නමුත් අධ්‍යාපනය සහ සුව සේවා සඳහා කෙරෙන් වියදම් කප්පාදු වෙමින් පවතී. අධි ආරක්‍ෂිත කලාප පිහිටුවීමට ගත් උත්සාහය ඇත හැර දැමුණු නමුත් එසේ කිරීමට කටයුතු කලේ මන්ද යැයි පැහැදිලි කිරීමක් නොවීය ,ජනාධිපති කොමිසම් එක දිගට පත් කළත් ඒවායින් ලැබුණු ප්‍රතිපලයක් නැත.පාස්කු බෝම්බ සිදුවීම පිළිබඳව විශාල මුදලක් වියදම් කොට විමර්ශන සිදු කළද අපරාධ කරුවන් නිදැල්ලේය. විනාශකාරී කඩාකප්පල්කාරී ක‍්‍රියාවන්හි යෙදී සිටී බවට චෝදනා එල්ල කරමින් තරුණ තරුණියන් බලහත්කාරයෙන් පුනරුත්ථාපනය කිරීමේ උත්සහයක් පවතී.
මේ සියල්ල සිදුවන්නේ ජීවන වියදම, අත්‍යවශ්‍ය ආහාර ද්‍රව්‍ය හා භාණ්ඩවල මිල ගණන්, ගෑස්, භූමිතෙල් සහ පෙට්‍රල්වල මිල ගණන්, අහස උසට නගින
අතර වාරේ බව ලංකා සභාව පෙන්වා දෙයි.
මේ හේතුවෙන් ලංකා සභාවේ කොළඹ රදගුරු පදවිය,
1) විධායක ජනාධිපති ක්රමය අහෝසි කිරීම.
2) සමාජයේ දිළිඳු හා අවදානමට ලක්විය හැකි කොටස්වලට එල්ලවන බරෙහි බර ලිහිල් නොදැරීම සහතික කරන ලෙස රජයෙන් ඉල්ලා සිටීම.
3) 2023 මුලදී පාර්ලිමේන්තුව විසුරුවා හරින ලෙස ජනාධිපතිවරයාගෙන් ඉල්ලා සිටී.
4) දේශපාලන වෙනසක් සඳහා වූ ව්‍යාපාරයට නායකත්වය දුන් සහ ඉදිරියට ගෙන ගිය තරුණ විරෝධතාකරුවන්, අරගලයට සහභාගී වූ සිවිල් සමාජ කණ්ඩායම්, සියලු විශ්වාසයන් සහ ඇදහිලිවලට අයත් ආගමික නායකයින් සහ ශ්‍රී ලංකා නීතීඥ සංගමය ඇතුළුව එහි ගැඹුරු කෘතඥතාව ප්‍රකාශ කරයි.
කොළඹ රදගුරු පදවිය ඉදිරි වසර තුළ වෙනසක් සඳහා වූ ව්‍යාපාරයට සිය සහයෝගීතාව ප්‍රකාශ කරන බව පවසයි.
